Hinggil sa CRIHinggil sa Serbisyo Filipino
   

Mga nasawi sa bagyong "Vinta" umabot na sa 164 samantalang 171 ang nawawala

(GMT+08:00) 2017-12-26 14:40:52       CRI

Mga larawang kuha ng mga kagawad ng AFP Western Mindanao Command na nagsusuri sa pinsala ng bagyong "Vinta" sa Sibuco, Zamboanga del Norte kahapon. Makikita ang kakaibang kulay ng tubig sa babyar-dagat na nagpapatunay na nagkaroon ng pagbaha mula sa kabundukan. (AFP Western Mindanao Command)

TULOY ang operasyon ng pamahalaan upang matulungan ang mga biktima ng bagyong "Vinta" na nanalasa sa Mindanao mula noong Biyernes hanggang sa makalabas sa Philippine Area of Responsibility kahapon ng umaga.

Ayon kay Bb. Romina Marasigan, tagapagsalita ng National Disaster Risk Reduction and Management Council, may 164 katao na ang deklaradong nasawi samantalang mayroong 171 nawawala.

Maingat umano sila sa paglalabas ng bilang ng mga nasawi at nawawala sapagkat may posibilidad na madoble ang ulat. Ginagawa na ng Department of Interior and Local Government ang kaukulang pagsusuri sa ulat at bilang.

Sa isang press briefing kaninang tanghali, sinabi ni Bb. Marasigan na mayroong higit sa 20,000 mga pamilya ang pansamantalang naninirahan sa 261 evacuation centers samantalang mayroong higit sa 16,000 mga pamilya ang nanunuluyan sa kanilang mga kamag-anak.

Sa likod ng pangyayaring ito, binabantayan ng pamahalaan ang paparating na sama ng panahong papasok sa nasasakupan ng Pilipinas pagsapit ng Bagong Taon. Ayon kay Bb. Marasigan, nakatuon din ang kanilang pansin sa namumuong sama ng panahon.

Tumutugon na ang pamahalaan sa pamamagitan ng pagdadala ng food at non-food items sa mga biktima ng bagyo.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>