Hinggil sa CRIHinggil sa Serbisyo Filipino
   

Mga bansang Arabe, patuloy na tumututol sa kapasiyahan ng Amerika tungkol sa Jerusalem

(GMT+08:00) 2018-01-07 13:49:21       CRI

Sa isang pulong na idinaos nitong Sabado, Enero 6, 2018, sa Amman, kabisera ng Jordan, ng mga Ministrong Panlabas mula sa anim na bansang Arabe at Pangkalahatang Kalihim ng League of Arab States (LAS), inulit nila ang pagtutol at protesta sa ginawang kapasiyahan ng Estados Unidos na kilalaning ang Jerusalem ay kapital ng Israel. Ipinahayag din nila na iginigiit ng mga bansang Arabe ang kanilang posisyon sa isyu ng Jerusalem.

Sa isang news briefing na idinaos pagkatapos ng pulong, sinabi ni Ahmad Abdoul Gheit, Pangkalahatang Kalihim ng LAS, na ipinakikita ng mga bansang Arabe ang kanilang pagkakaisa sa pagtutol at protesta sa nasabing kapasiyahan ng Amerika. Dagdag pa niya, ipinasiya ng mga kalahok na patuloy na igiit ang posisyon ng mga bansang Arabe at tutulan ang kapasiyahang ito ng Amerika.

Noong Disyembre 6, 2017, kinilala ni US President Donald Trump na ang Jerusalem ay kapital ng Israel. Pasisimulan din aniya ng Amerika ang proseso ng paglilipat ng embahadang Amerikano sa Israel mula Tel Aviv-Yafo sa Jerusalem. Ngunit, unibersal na nagpahayag ang komunidad ng daigdig ng pagtutol tungkol dito.

Salin: Li Feng

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>