Hinggil sa CRIHinggil sa Serbisyo Filipino
   

Lancang-Mekong Cooperation, pasok na sa mabilis na pag-unlad: tagapagsalitang Tsino

(GMT+08:00) 2018-01-12 10:29:15       CRI

Beijing, Tsina-Ipinahayag ni Lu Kang, Tagapagsalita ng Ministring Panlabas ng Tsina na sa kasalukuyan, pumapasok na sa panahon ng mabilis na pag-unlad ang Lancang-Mekong Cooperation (LMC).

Idinaos nitong Miyerkules, Enero 10, 2018 ang Ika-2 Pulong ng mga Lider ng Lancang-Mekong Cooperation (LMC), sa Phnom Penh, Cambodia. Lumahok dito ang mga lider mula sa anim na kasaping bansa sa kahabaan ng Ilog Lancang-Mekong na kinabibilangan ng Cambodia, China, Laos, Myanmar, Thailand at Vietnam.

Sa regular na preskon kahapon, Huwebes, Enero 11, sinabi ni Lu na nagtatampok ang LMC sa pagiging pantay-pantay, bukas at inklusibo, at pragmatiko at episyente. Aniya pa, nitong mga dalawang taong nakalipas sapul nang itatag ang LMC, mabunga ang pagpapalitan at pagtutulungan ng mga kasaping bansa sa larangan ng imprastruktura, edukasyon, kalusugan at iba pa. Halimbawa, humigit-kumulang 800 may kataratang taga-Cambodia, Laos at Myanmar ang tumanggap ng libreng operasyon ng mga doktor na Tsino.

Ipinahayag din ng tagapagsalitang Tsino na sa hinaharap, pahihigpitin ng anim na kasaping bansa ng LMC ang pagtutulungan sa yamang-tubig, konektibidad, industrial productivity, yamang-tao, agrikultura at kalusugan, para magdulot ng mas maraming benepisyo sa mga mamamahayan sa kahabaan ng Ilog Lancang-Mekong.

Salin: Jade
Pulido: Mac

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>