Hinggil sa CRIHinggil sa Serbisyo Filipino
   

Tsina, nakahandang tulungan ang mga kaibigan at kapitbansa--Embahadang Tsino sa Pilipinas

(GMT+08:00) 2018-01-13 16:55:06       CRI

Jin Yuan, Economic and Commercial Counsellor ng Embahadang Tsino sa Pilipinas

Sa Sarangani, Pilipinas--Ipinahayag dito Biyernes, ika-12 ng Enero, 2017, ni Jin Yuan, Economic and Commercial Counsellor ng Embahadang Tsino sa Pilipinas, na nakahanda ang bansang Tsina na ipagkaloob ang mga kinakailangan para sa mga kaibigan at kapitbansa.

Ribbon-cutting para sa Groundbreaking Ceremony

Winika ito ni Jin sa Groundbreaking Ceremony ng China-aid Dangerous Drugs Abuse Treatment and Rehabilitation Center sa naturang lalawigan. Aniya pa, ang proyektong ito ay isa sa mga bunga ng dalaw pang-estado ni Pangulong Rodrigo Duterte sa Tsina noong 2016, at isang benepisyong dinulot ng pinalakas na kooperasyon at malusog na relasyon ng dalawang bansa.

Undersecretary Roger Tong-An ng Kagawaran ng Kalusugan

Ipinahayag naman ni Undersecretary Roger Tong-An ng Kagawaran ng Kalusugan, na sa kasalukuyan, buong sikap na napapawi ng pamahalaang Pilipino ang mga banta ng drugs, pero kulang sa mga medisina at pasilidad para gumaling ang mga tao. Pinasalamatan din niya ang pagtulong ng pamahalaang Tsino.

Groundbreaking Ceremony

Ang nasabing sentro ay sasaklaw ng 6,750 metro kuwadrado at magkakaloob ng 150 beds para sa mga tao. Sa sentrong ito, itatayo ang Admission or Administration Building, Pavilion/Transition Villa, Staff House and Motor Pool building, Male and Female Dormitory building, at Multi-purpose covered court. Bukod sa Sarangani, itatayo rin ang katulad na sentro sa Agusan del Sur.

Group picture ng mga opisyal na Tsino at Pilipino

Sinabi ni Steve Chiongbian Solon, Governor ng Sarangani, na ang konstruksyon ng sentrong ito ay magpapasulong ng kabuhayan ng lokalidad at magkakaloob ng mga pagkakataon ng trabaho na gaya ng mga manggagawa at tauhang medical.

Kaugnay nito, sinabi ni Jin na palagiang iginigiit ng panig Tsino ang kooperasyong may mutuwal na kapakinabangan. Naniniwala aniya siyang sa magkasamang pagtutulungan, ang kapwa panig ay haharap sa magandang kinabukasan.

Si Yao Shanfa, namamahalang tauhan ng panig Tsino sa proyekto

Mga manggagawang Tsino at Pilipino na kalahok sa proyekto

Ang nabanggit na sentro ay itatayo ng China State Construction Corp. Ltd. Ayon sa plano, sisimulang maisaoperasyon ang sentrong ito bago ang katapusan ng taong 2019.

Ulat: Ernest
Larawan: Sissi/Ernest

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>