Lausanne, Swizerland-Idinaos Enero 20, 2018 ang pulong ng International Olympic Committee (IOC) hinggil sa mga isyung may-kinalaman sa Pyeongchang Olympic Games.
Pinagtibay ng IOC ang aplikasyong isinumite ng Hilaga at Timog Korea hinggil sa magkasamang pagparada ng kani-kanilang delegasyong pampalakasan sa ilalim ng "Unified Korea Flag," sa seremonya ng pagbubukas ng nasabing olimpiyada. Samantala, 22 atleta ng Hilagang Korea ang sasapi sa palaro, at mabubuo ng dalawang panig ang isang magkasanib na women's ice hockey team.
Nang araw ring iyon, ipinahayag ni Tagapangulong Thomas Bach ng IOC ang pagpapahalaga sa mga natamong bunga ng nasabing pulong. Nilagdaan din ng mga kalahok ang "Declaration on Olympic Games in the Korean Peninsula."