Noong ika-22 ng Enero, 2018, binuksan sa Chile ang Ika-2 Pulong na Ministeryal ng Community of Latin American and Caribbean States (CELAC) Forum. Nagpadala si Xi Jinping, Pangulo ng Tsina ng mensaheng pambati sa pulong na ito.
Tinukoy ni Xi na sapul nang idaos ang kauna-unahang Pulong na Ministeryal ng CELAC Forum noong Enero ng 2015, sa ilalim ng pagsisikap ng iba't ibang panig, ang porum na ito ay naging pangunahing tsanel ng komprehensibong kooperasyon ng Tsina at mga bansa ng Latin American at Caribbean, at natamo ang magandang bunga.
Tinukoy ni Xi na kapwa umuunlad na bansa ang Tsina at mga nasabing bansa. Nakahanda ang Tsina na makipagkooperasyon sa mga bansa ng Latin American at Caribbean, para magbigay ng mas malaking ambag sa pagtatatag ng "community of shared future for mankind."
Binigyan-diin ni Xi na dapat gawin ang bagong blueprint ng "Belt and Road" Initiative, at lumikha ng isang landas ng kooperasyong bumabagtas sa Pasipiko.
salin:Lele