Hinggil sa CRIHinggil sa Serbisyo Filipino
   

Tsina, umaasang itatakwil ng Amerika ang prejudice at pangangalagaan ang multilateral na sistemang pangkalakalan ng daigdig-Tagapagsalitang Tsino

(GMT+08:00) 2018-01-23 09:34:39       CRI
Ipinahayag Enero 22, 2018 ni Hua Chunying, Tagapagsalita ng Ministring Panlabas ng Tsina ang pag-asang tumpak na pakitunguhan ng Amerika ang Tsina, at itatakwil nito ang prejudice para pangalagaan ang multilateral na sistemang pangkalakalan ng daigdig.

Winika ito ni Hua bilang tugon sa 2018 taunang report na isinumite kamakailan ng pamahalaang Amerikano sa kongresong Amerikano.

Ayon sa nasabing report, binatikos nito ang umanong paglabag ng Tsina sa regulasyon ng malayang kalakalang pandaigdig. Anito pa, mali ang pagsuporta ng Amerika sa paglahok ng Tsina sa WTO.

Ipinahayag ni Hua na sapul ng paglahok sa WTO, palaging sinusunod ng Tsina ang mga regulasyon ng WTO, at seryoso nitong tinutupad ang sariling obligasyon. Gumaganap aniya ang Tsina ng kontruktibong papel sa pagpapatakbo at pagpapasulong ng multilateral na sistemang pangkalakalan ng daigdig, at nakikinabang ang ibat-ibang bansa sa daigdig mula sa kani-kanilang pakikipagkalakalan sa Tsina. Aniya, bilang tagapagsuporta ng multilateral na sistemang pangkalakalan ng daigdig, ipinagpatuloy ng Tsina ang pagtahak sa landas ng reporma at pagbubukas sa labas, pagbibigay-suporta sa mas bukas na kabuhayang pandaigdig, at gumaganap na konstruktibong papel sa pagpapabuti ng kapaligirang pangkalakalan ng daigdig.

Binigyang-diin ni Hua na sa kabilang dako naman, ang Amerika ay nagsasagawa ng unilateralismo, at ito ay nagiging hamon sa multilateral na sistemang pangkalakalan ng daigdig. Ikinababalisa aniya ito ng mga kasaping bansa ng WTO.

Ani Hua, bilang mahalagang kasapi ng WTO, may komong interes at mutuwal na kapakinabangan ang pagtutulungang pangkabuhayan at pangkalakalan ng Tsina at Amerika. Umaasa aniya siyang magkasamang magsisikap ang Tsina at Amerika para pangalagaan ang awtoridad ng WTO, para pasulungin at pabutihin ang mas bukas at pantay na multilateral na sistemang pangkalakalan ng daigdig.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>