Jakarta, Indonesia--Iniharap noong ika-29 ng Enero, 2018, ni Huang Xilian, bagong Embahador ng Tsina sa Association of Southeast Asian Nations (ASEAN), ang Credentials kay Lim Jock Hoi, Pangkalahatang Kalihim ng ASEAN.
Pinarating ni Huang ang pagbati ni Wang Yi, Ministrong Panlabas ng Tsina kay Lim Jock Hoi. Ipinahayag ni Huang na laging pinahahalagahan ng Tsina ang pagpapaunlad ng relasyon sa ASEAN, at priyoridad ito sa diplomasiya sa mga kapitbansa ng Tsina at mahalagang rehiyon ng "Belt and Road" initiative. Sa ilalim ng pagsisikap ng dalawang panig, mainam ang pag-unlad ng relasyon at malawak ang prospekt. Sa kasalukuyan, binabalangkas ng dalawang panig ang "Vision for Strategic Partnership between China and ASEAN toward the year 2030," at iniuugnay ang mga estratehiya ng pag-unlad, at nang sa gayo'y, maitatatag ang partnership sa mas mataas na antas.
Ipinahayag ni Lim ang mainit na pagtanggap kay Huang. Sinabi ni Lim na ang Tsina ay isa sa mga pinakamahalagang partner sa diyalogo at pinakamalaking partner ng kalakalan ng ASEAN. Aniya, nakahanda siyang pahigpitin ang kooperasyon at paguugnayan sa pagitan ng Sekretaryat ng ASEAN at Embahadang Tsino para pasulungin ang relasyon ng Tsina at ASEAN.
salin:Lele