INILIPAT na ng piitan si dating Customs Commissioner Nicanor Faeldon sa Pasay City jail matapos tumangging makiisa sa imbestigasyon hinggil sa tara system sa Bureau of Customs.
Nakasuot ng t-shirt na may markang "Truth is Justice" ng bumaba sa van na naghatid sa kanya sa bagong piitan.
Umalis sa Senado ang mga sasakyang kinalululanan ni Faeldon mga 11:40 at dumating sa Pasay City jail bago nagtanghalian. Nilagdaan ni Senate President Aquilino Pimentel III ang commitment order. Si Faeldon ay hinirang na ni Pangulong Duterte na deputy administrator ng Office of Civil Defense ng makasagutan pa si Senador Richard Gordon kahapon. Maanghang ang mga salita ni Faeldon na kinilalang pambabastos ng mga Senador. Mula pa noong Setyembre nakabimbin si Faeldon sa Senado matapos ma-contempt sa pagtangging magsalita sa Senado.