Miyerkules ng hapon, Enero 31, 2018, idinaos ang taunang pagtatagpo ng mga punong ministro ng Tsina at Britanya na sina Li Keqiang at Theresa May. Ito ang kauna-unahang taunang pagtatagpo ng mga punong ministro ng dalawang bansa, pagkatapos ng matagumpay na pagbisita ni Pangulong Xi Jinping ng Tsina sa Britanya noong 2015, at pagpapatalastas ng dalawang bansa ng pagtatatag ng pandaigdigang komprehensibo't estratehikong partnership tungo sa ika-21 siglo.
Sa pag-uusap nang araw ring iyon, sinang-ayunan ng kapuwa panig na dapat palakasin ng Tsina at Britanya ang koordinasyon ng estratehiyang pangkaunlaran, at palawakin ang bi-directional opening. Dapat din anilang palakasin ang kooperasyon sa mga larangang gaya ng Belt and Road, nuclear power, high-speed railway, pinansya, hay-tek na kalakalan, pamilihan ng ika-3 panig, artificial intelligence at iba pa. Dapat ding palawakin ang bi-directional investment, at pataasin ang proporsyon ng hay-tek na produkto sa bilateral na kalakalan, dagdag nila.
Ipinahayag ni Theresa May na nakahanda ang panig Britaniko na sa pamamagitan ng kasalukuyang pagdalaw, ibayo pang mapapataas ang komprehensibo't estratehikong partnership ng Britanya at Tsina, na nasa "ginintuang panahon." Aniya, ang Belt and Road Initiative ay makakatulong sa pagpapasulong sa kasaganaan ng Asya at sustenableng pag-unlad ng buong mundo. Bilang isa sa mga miyembrong tagapagtatag ng Asian Infrastructure Investment Bank (AIIB), ang Britanya aniya ay cooperative partner ng nasabing inisyatiba. Nakahanda ang panig Britaniko, kasama ng panig Tsino, na pasulungin ang kooperasyon sa konstruksyon ng Belt and Road, dagdag pa niya.
Pagkatapos ng pag-uusap, magkasamang sumaksi ang dalawang punong ministro sa paglagda ng maraming dokumento ng bilateral na kooperasyon sa mga larangang gaya ng kabuhaya't kalakalan, pinansya, abiyasyon, adwana, kalusugan, inspection at quarantine, smart city at iba pa.
Sa ilalim ng kalagayan ng pag-alis ng Britanya sa Unyong Europeo, iniharap ni May ang kaisipan ng "globalisasyon ng Britanya," at dumako sa ibang lugar liban sa Europa. Ang Tsina ay isa sa mga pinakamahalagang trade partner ng Britanya. Noong 2017, 79 bilyong dolyares ang kabuuang halaga ng kalakalan ng paninda ng Tsina at Britanya, at ito ay lumaki ng 6.2% kumpara sa gayun ding panahon ng taong 2016. Para sa kapuwa panig, mahalagang pinanggagalingan ng pamumuhunan ang isa't isa. Bukod sa mga miyembro ng gabinete, sumasama sa kasalukuyang pagdalaw ni May ang isang delegasyong kabuhaya't kalakalan na kinabibilangan ng 50 namamahalang tauhan ng kilalang malalaking kompanya ng Britanya.
Salin: Vera
