Ipinatalastas noong ika-5 ng Pabrero, 2018, ni Geng Shuang, Tagapagsalita ng Ministring Panlabas ng Tsina na sa paanyaya ni Rex Tillerson, Kalihim ng Estado ng Amerika, dadalaw si Yang Jiechi, Kasangguni ng Estado ng Tsina sa Amerika mula ika-8 hanggang ika-9 ng buwang ito.
Sinabi ni Geng na nagpahayag kamakailan ang kapuwa dalawang panig na patuloy na panatilihin at palakasin ang ugnayan at pagpapalitan sa iba't ibang larangan. Sa panahon ng pagdalaw, makikipagpalitan si Yang ng mga palagay sa panig ng Amerika hinggil sa relasyon ng dalawang bansa at mga isyung pandaigdig at panrehiyon.
salin:Lele