Beijing, Tsina—Hinikayat ni Pangulong Xi Jinping ng Tsina ang multipartidong kooperasyon para sa pambansang kaunlaran.
Ito ang ipinahayag ni Xi sa kanyang pakikipagtagpo, Martes, Pebrero 6, 2018, sa mga kinatawan mula sa mga non-CPC party, All-China Federation of Industry and Commerce (ACFIC), at mga tauhang walang kinasasapiang partido. Si Xi ay nagsisilbi ring pangkalahatang kalihim ng Komite Sentral ng Partido Komunista ng Tsina (CPC).
Ang aktibidad ay taunang ginaganap sa pagitan ng CPC at mga non-CPC na partido at tauhan, bago ang Chinese New Year na matatapat sa Pebrero 16 sa taong ito.
Unang una, ipinahayag ni Xi ang bating-pambagong-taon sa mga kinatawan. Ipinagdiinan ni niyang na ang sosyalismong may katangiang Tsino ay pumasok na sa bagong panahon at ang multi-partidong kooperasyon ay kailangan ding magkaroon ng bagong modelo, para mapasulong ang bagong pambansang progreso sa iba't ibang larangan.
Iniharap naman ng mga kinatawan ng non-CPC parties ang kani-kanilang kuru-kuro at plano para mapasulong ang kooperasyon at maisakatuparan ang pambansang kaunlaran.
Kabilang sa mga kalahok na non-CPC parties ay The Revolutionary Committee of the Chinese Kuomintang (RCCK), China Democratic League (CDL), China Democratic National Construction Association (CDNCA), China Association for Promoting Democracy (CAPD), Chinese Peasants' and Workers' Democratic Party (CPWDP), China Zhi Gong Party (CZGP), Jiusan Society (JS), at Taiwan Democratic Self-Government League (TDSGL).
Si Pangulong Xi Jinping (ika-2 sa kanan, harap), kasama ng mga kinatawan ng non-CPC na partido at tauhan, sa pagtitipun-tipon bago ang Chinese New Year. Larawang kinuha, Enero 6, 2018, ni Ding Lin ng Xinhua.
Salin: Jade
Pulido: Mac
