Sa pagtataguyod ng Pambansang Administrasyong Pandagat ng Tsina, sinimulan ngayong araw, Huwebes, ika-8 ng Pebrero 2018, sa Beijing, ang pagtakbo ng isang tsunami pre-warning center. Ang serbisyo nito ay sumasaklaw sa South China Sea, Sulu Sea, at Sulawesi Sea.
Ayon sa salaysay, mailalabas ng sentrong ito ang tsunami pre-warning, 8 hanggang 10 minuto pagkaraan ng lindol. Noong dati, umaabot sa 20 hanggang 30 minuto, bago mailabas ang babalang ito.
Ang pagtatatag ng sentrong ito ay inaprobahan noong ika-26 ng nagdaang Enero ng Intergovernmental Oceanographic Commission ng United Nations Educational, Scientific and Cultural Organization.
Maglilingkod ito sa mga bansang nakapaligid sa naturang mga karagatan, na gaya ng Tsina, Pilipinas, Brunei, Kambodya, Indonesya, Malaysia, Singapore, Thailand, at Biyetnam.
Salin: Liu Kai