Hinggil sa CRIHinggil sa Serbisyo Filipino
   

Lider ng Tsina at Timog Korea, nag-usap: 2 panig magtutulungan sa paglutas sa isyu ng Peninsula ng Korea

(GMT+08:00) 2018-02-09 09:40:25       CRI

Bilang sugo ni Pangulong Xi Jinping ng Tsina sa seremonya ng pagbubukas ng Pyeongchang Olympic Games, nakipag-usap Pebrero 8 si Pangulong Moon Jae-in ng Timog Korea kay Hang Zheng, Pirmihang Kagawad ng Pulitburo ng Komite Sentral ng Partido Kumunista ng Tsina.

Ipinahayag ni Hang Zheng ang pagbati ng Pangulong Tsino sa kanyang counterpart mula sa Timog Korea, at pagtatamo ng tagumpay ng Olimpiyada ng Pyeongchang.

Ipinahayag ng dalawang panig na nakahanda silang magkasamang magsikap, para ibayo pang pasulungin ang bilateral na relasyon, batay sa paggagalangan, maayos na paglutas sa mga sensitibong isyu, at pagpapalakas ng pagtitiwalaan at pagtutulungan.

Ipinahayag ni Hang na positibo ang Tsina sa pagpapanumbalik ng diyalogo ng Timog at Hilagang Korea dahil sa mga may-kinalamang isyu ng Olimpiyada ng Pyeongchang. Umaasa rin aniya siyang magkasamang magsisikap ang mga may-kinalamang panig para ibayong mapahupa ang kalagayan sa Peninsula ng Korea, at pasulungin ang mapayapang paglutas sa isyung nuklear ng peninsula.

Ipinahayag naman ni Pangulong Moon ang pagpapahalaga sa konstruktibong papel ng Tsina sa isyung nuklear ng peninsula. Nakahanda aniya ang Timog Korea na pahigpitin ang pakikipagpalitan sa Tsina para pasulungin ang patuloy na pagdidiyalogo ng Timog at Hilagang Korea sa pamamagitan ng Olimpiyada ng Pyeongchang, at mapayapang lutasin ang isyu ng peninsula. Ito aniya'y makakatulong sa pagsasakatuparan ng pangmatagalang kapayapaan at kasaganaan ng rehiyong ito.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>