|
||||||||
|
||
SINABI ng Ombudsman na tapos na ang fact-finding investigation sa sinasabing ill-gotten wealth ni Pangulong Rodrigo Duterte, dalawang araw matapos sabihin ni Solicitor General Jose Calida na natapos na ito noong nakalipas na Nobyembre.
Sa isang pahayag, sinisi ng Ombdusman ang Anti-Money Laundering Council sa hindi pagsusumite ng hinihiling na datos hinggil sa mga deposito ng pamilya Duterte.
Ayon sa pahayag, natapos na ang pagsisiyasat matapos tumanggi ang Anti-Money Laundering Council na suportahan ang imbestigasyon sa pagtangging magbigay ng detalyes sa bank deposits.
Naunang binanggit ng Ombudsman na ang mga dokumento na nagpapakita ng mga transaksyon ay kahalintulad ng mga dokumento na hawak ni Senador Antonio Trillanes IV.
Nabatid na sinabi ni Overall Deputy Ombdusman Arthur Carandang na namuno sa imbestigasyon, na ang records na mula sa AMLC ang nagpapakita ng mga deposito at withdrawal sa bank accounts ng mga anak ni Pangulong Duterte at ng kanyang kinakasamang si Honeylet Avancenda.
Tumanggi naman ang AMLC na nagbigay sila sa Ombdusman ng mga dokumento at impornasyong may kinalaman sa imbestigvasyon.
© China Radio International.CRI. All Rights Reserved. 16A Shijingshan Road, Beijing, China. 100040 |