|
||||||||
|
||
Paolo Saycon, Founder and CEO ng iBayad Online Ventures Inc
Ayon kay Paolo Saycon, Founder and CEO ng iBayad Online Ventures Inc, nagdebelop ng nasabing APP, na bago nila gawin ang APP, sinabi sa kanila ni Secretary Martin M. Andanar ng Presidential Communications Operation Office (PCOO) na ang nasabing APP "hindi dapat maging pampa-pogi lamang sa pangulo."
Sinabi pa niyang sa pamamagitan ng DU30 APP, maaring malaman ng mga users ang mga impormasyon hinggil sa pamahalaan at kay Pangulong Duterte mismo, mag iwan ng mga comment, feedback at mga kahilingan, tumawag sa 8888 Citizen Hotline at 911 Emergency dispatch para humingi ng tulong.
Secretary Martin M. Andanar ng Presidential Communications Operation Office (PCOO)
Sa 2018 National Information Convention (NIC), ipinatalastas ni Secretary Andanar ang paglulunsad ng DU30 APP. Sinabi niyang kinakaharap ng bansang ito ang banta ng misinformation at fake news at sa panahon ng mobile phone, ang nasabing APP ay magpapahigpit ng komunikasyon sa pagitan ng pamahalaan at mga mamamayan.
Sa araw ng pagbubukas ng NIC, idinaos ng Senate ang hearing hinggil sa kaso ng pagkakasangkot kay Secretary Christopher "Bong" Go sa proyekto ng Philippine Navy sa pagbili ng mga frigate na nagkakahalaga ng 16 bilyong piso. Sinabi ni Secretary Go sa hearing na ang mga ulat ng Rappler ay "fake news" at mali.
Ipinakikita ni Saycon ang function ng DU30 APP
Ang DU30 APP ay idinebelop sa ilalim ng awtorisasyong ibinigay ng PCOO. Maaring magdownload ang mga mobile phone users ng APP sa Apple Store at Google Play. Bukod sa komunikasyon kay Pangulong Duterte, maaari ring manood at makinig ang mga users ng mga programa ng Radyo Pilipinas, PTV at RTVM.
Sa kanyang mensahe sa NIC, sinabi ni Pangulong Duterte na umaasa siyang gagamitin ng mga information officers ang anumang plataporma sa pagkalat ng mga impormasyon sa publiko para pahigptin ang relasyon sa pagitan ng pamahalaan at mga mamamayan at pasulungin ang kanilang pagkaunawa, at pagtanggap sa mga programa at patakaran ng pamahalaan.
Ayon kay Saycon, bago ang katapusan ng taong ito, inaasahang konektado na ang DU30 APP sa lahat ng mga departamento ng pamahalaan, para agarang tanggapin at sagutin nila ang mga problemang panglipunan na iuulat ng mga mamamayan sa pamamagitan ng APP.
Mga Functions ng DU30 APP
Sinabi ni Saycon na kung ganoon, ang bawat Pilipino ay magiging monitor ng pamahalaan sa mga isyung panlipunan. Ani pa niya handa na ang teknolohiya ng APP para rito, ang aktuwal na oras ng paglulunsad ng nasabing serbisyo ay depende sa oras ng paghahanda ng mga departamento ng pamahalaan.
Bilang isang financial technology company, sinabi ni Saycon na umaasa siyang susuportahan ng DU30 APP ang online payment kung saan maaaring bayaran ng mga users ang water and electricity fees.
Ulat: Ernest Wang
Larawan: Sissi Wang
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |