Huwebes, Pebrero 22, 2018, ipinatalastas ni Wilbur Ross, Kalihim ng Komersyo ng Estados Unidos, ang paglulunsad ng Antidumping Duty (AD) at Countervailing Duty (CVD) investigation sa mga gomang inangkat mula sa Tsina, Sri Lanka at Thailand.
Ayon sa Kagawaran ng Komersyo ng Amerika, ang kasalukuyang imbestigasyon ay isinasagawa dahil sa apela ng Alliance Rubber Company (AR) ng Amerika.
Ayon sa trade remedies procedure ng Amerika, gagawa ng inisyal na kapasiyahan ang International Trade Commission ng Estados Unidos, mga Marso 16. Kung ipalalagay ng organong ito na idudulot ng naturang produkto ang substansyal na kapinsalaan o banta sa kinauukulang industrya ng Amerika, ipagpapatuloy ng Kagawaran ng Komersyo ang imbestigasyon, at magkahiwalay na gagawa ng inisyal na hatol sa AD at CVD investigation sa Abril at Hulyo ng taong ito.
Ipinakikita ng estadistika ng Kagawaran ng Komersyo ng Amerika na halos 4.9 milyong dolyares, 2 milyong dolyares at 12.12 milyong dolyares ang kabuuang halaga ng gomang inangkat ng Amerika mula sa Tsina, Sri Lanka at Thailand noong 2017, ayon sa pagkakasunod.
Salin: Vera