Beijing, Tsina—Binuksan Sabado, Marso 3, 2018 ang Unang Sesyon ng Ika-13 Pulitikal na Konsultatibong Kapulungan ng mga Mamamayang Tsino o CPPCC. Dumalo sa pulong ang mga lider ng partido at estado na kinabibilangan ni Pangulong Xi Jinping ng bansa.
Sa ngalan ng Ika-12 Pirmihang Lupon ng CPPCC, gumawa ng work report si Yu Zhengsheng, Tagapangulo ng nasabing pirmihang lupon. Sinariwa at nilagom niya ang natamong bunga ng mga gawain ng CPPCC nitong nakalipas na 5 taon, at iniharap ang mungkahi tungkol sa mga gawain sa darating na 5 taon. Aniya, noong nagdaang 5 taon, kinumpleto ng CPPCC ang kayarian ng pagsasanggunian at pagtalakay ng mga suliraning pulitikal, pinalakas ang tungkulin ng demokratikong pagsusuperbisa, pinalawak ang gawin ng pagkakaisa at pagsasama-sama, at pinalakas ang kakayahan sa pagsasabalikat ng mga tungkulin.
Ang CPPCC ay mahalagang organo ng kooperasyon ng iba't ibang partido at pagsasangguniang pulitikal na pinamumunuan ng Partido Komunista ng Tsina (CPC).
Salin: Vera