Hinggil sa CRIHinggil sa Serbisyo Filipino
   

Pagpapabuti ng mga magsasaka at pagpapasulong ng agrikultura, ipinapauna ng pangulong Tsino

(GMT+08:00) 2018-03-09 16:06:20       CRI

Beijing, Tsina—Kung maisasakatuparan ng Tsina ang may kaginhawahang lipunan sa mataas na lebel ay nakasalalay sa pamumuhay ng mga magsasaka. Ito ang inulit ni Pangulong Xi Jinping Tsina sa kanyang pakikilahok Huwebes, Marso 8, 2018, sa diskusyon ng mga deputado mula sa Shandong Province, sa idinaraos na taunang sesyon ng Pambansang Kongresong Bayan (NPC), punong lehislatura ng Tsina. Ang Shandong ay isa sa mga pangunahing lalawigang agrikultural ng Tsina.

Sa kanyang paglahok sa nasabing panel discussion, unang una, ipinahayag ni Pangulong Xi ang pagbating pangkapistahan sa mga babaeng deputado, sa Araw ng Kababaihan.

Si Pangulong Xi habang nakikipag-usap sa mga babaeng deputado ng NPC mula sa Shandong, Marso 8, 2018. (Xinhua)

Noong taong 2017, sinimulang pairalin ng Tsina ang estratehiya ng pagpapasigla ng kanayunan. Maraming beses na ipinagdiinan ni Pangulong Xi na kung walang mayabong agrikultura, walang mayabong Tsina; kung walang magandang kanayunan, walang magandang Tsina at kung walang mayayamang magsasaka, walang mayamang Tsina.

Kabilang sa mga hakbangin ng nasabing estratehiya ay pagpapasulong ng integrasyon ng iba't ibang sektor na may kinalaman sa makabagong agrikultura; pagtiyak ng food security sa pamamagitan ng pagpapasulong ng makabagong agrikultura, pagpapabilis ng paghubog ng mga talentong lokal, pagpapaganda ng kapaligirang ekolohikal sa kanayunan, pagpapabuti ng sistema ng pangangasiwa sa mga nayon, at pangangalaga sa tradisyonal na arkitektura at kultura sa kanayunan.

Sa diskusyon, inilahad ni Zhuo Changli, isa sa mga deputado ang hinggil sa kanyang kompanya ng domestic helper na tinatawag na "Ate ng Sikat ng Araw." Sinabi ni Zhuo na 80% ng mahigit 500,000 domestic helper ang galing sa kanayunan at binubuo rin ito ng mga laid-off worker. Noon, nahirapan sila dahil sa karalitaaan at sa kasalukuyan, bumubuti ang kanilang pamumuhay at lipos ng kompiyansa.

Bilang tugon, sinabi ni Pangulong Xi na bilang bagong umuusbong na industriya, ang domestic service ay hindi lamang nakatugon sa paghahanap-buhay sa kalunsuran ng mga magsasaka, nakatugon din ito sa pangangailangan ng pag-aalaga ng mga bata at matatanda sa mga lunsod. Malaki aniya ang prospek ng industriyang ito.

Sina Zhuo Changli at Pangulong Xi Jinping habang nag-uusap at nagkakamayan, Marso 8, 2018. (Xinhua)

Salin: Jade
Pulido: Mac

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>