|
||||||||
|
||
Kigali, Rwanda — Sinabi Sabado, Marso 17, 2018, ni Kwesi Kwatai, Pangalawang Pangulo ng Komisyon ng Unyong Aprikano (AU), na kasalukuyang nagsisikap ang AU upang maitatag ang malayang sonang pangkalakalan sa kontinenteng Aprikano. Inaasahan aniya ng AU ang pakikipagkooperasyon sa Tsina at iba pang bansa sa labas ng Aprika.
Sinabi ni Kwatai na ang Tsina ay isa sa mga mahalagang katuwang ng Aprika para maisakatuparan ang mabilis na pag-unlad ng kabuhayan nito. Umaasa aniya ang AU na patuloy itong magkakaloob ng pagkatig sa mga bansa sa Aprika tungo sa pagsasakatuparan ng kasaganaang pangkabuhayan.
Noong Hunyo, 2015, pinasimulan ng mga miyembro ng AU ang talastasan tungkol sa malayang sonang pangkalakalan ng kontinenteng Aprikano. Layon nitong pasulungin ang pag-unlad ng kalakalan at pamumuhunan sa rehiyong ito.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |