Mga opisyal ng gabinete ng Tsina, naihalal

Beijing,Tsina—Ayon sa botohan ngayong umaga, Lunes, Marso 19, 2018 ng unang sesyon ng Ika-13 Pambansang Kongresong Bayan (NPC), punong lehislatura ng Tsina, naihalal bilang pangalawang premyer ng Konseho ng Estado, gabinete ng bansa sina Han Zheng, Sun Chunlan, Hu Chunhua, at Liu He. Samantala, naihalal din si Xiao Jie bilang Pangkalahatang Kalihim ng Konseho ng Estado.

Bukod dito, sina Wei Fenghe, Wang Yong, Wang Yi, Xiao Jie, at Zhao Kezhi ay pumasok din bilang kagawad ng estado ng bansa.

Pagkaraan ng halalan, nanumpa ng katapatan sa Saligang Batas ang nasabing mga pangalawang premyer, pangkalahatang kalihim at kagawad.

Sa kabilang dako, ang mga sumusunod ay mga bagong puno ng iba't bang departamento ng Konseho ng Estado:

-- Wang Yi, Ministro ng Ugnayang Panlabas foreign affairs

-- Wei Fenghe, Ministro ng Pambansang Depensa

-- He Lifeng, Puno ng Komisyon ng Pambansang Kaunlaran at Reporma (NDRC)

-- Chen Baosheng, Ministro ng Edukasyon

-- Wang Zhigang, Ministro ng Siyensya at Teknolohiya

-- Miao Wei, Ministro ng Industriya at Teknolohiyang Pang-impormasyon

-- Bater, Puno ng Komisyon ng Estado sa mga Suliraning Etniko

-- Zhao Kezhi, Ministro ng Seguridad na Pampubliko

-- Chen Wenqing, Ministro ng Seguridad na Pang-estado

-- Huang Shuxian, Ministro ng mga Suliraning Sibil

-- Fu Zhenghua, Ministro ng Katarungan

-- Liu Kun, Ministro ng Pinansya

-- Zhang Jinan, Ministro ng Lakas-paggawa at Panlipunang Securidad

-- Lu Hao, Ministro ng Likas na Yaman

-- Li Ganjie, Ministro ng Kapaligirang Ekolohikal

-- Wang Menghui, Ministro ng Pabahay at Kaunlarang Urban-Rural

-- Li Xiaopeng, Ministro ng Transportasyon

-- E Jingping, Ministro ng Yamang-tubig

-- Han Changfu, Ministro ng Agrikultura at mga Suliraning Rural

-- Zhong Shan, Ministro ng Komersyo

-- Luo Shugang, Ministro ng Kultura at Turismo

-- Ma Xiaowei, Puno ng Pambansang Komisyon ng Kalusugan

-- Sun Shaocheng, Ministro ng mga Suliraning Pambeterano

-- Wang Yupu, Ministro ng Pangkagipitang Pangangasiwa

-- Yi Gang, Gobernador ng People's Bank of China

-- Hu Zejun, Punong Auditor ng Pambansang Tanggapan ng Audit

Salin: Jade
Pulido: Rhio