Ipinahayag sa Beijing Miyerkules, Abril 4, 2018, ni Wang Shouwen, Pangalawang Ministro ng Komersyo ng Tsina, na napilitang isinagawa ng Tsina ang pagpataw ng karagdagang taripa sa mga inaangkat na produktong Amerikano na nagkakahalaga ng halos 50 bilyong dolyares. Aniya, mapagtimpi ang kagawiang ito ng Tsina.
Sinabi ni Wang na ang pagpataw ng Amerika ng karagdagang taripa sa mga produktong Tsino ay lumalabag sa obligasyong pandaigdig nito, at walang anumang batayan. Aniya, ang nasabing hakbangin ng Amerika ay nakakapinsala sa kapakanan ng Tsina, nagbabanta sa seguridad na ekonomiko ng Tsina, at nagsasapanganib sa pag-ahon at katatagan ng kabuhayang pandaigdig.
Salin: Li Feng