Hinggil sa CRIHinggil sa Serbisyo Filipino
   

Tsina, hindi natatakot sa banta ng Amerika sa kalakalan--eksperto

(GMT+08:00) 2018-04-06 22:21:04       CRI
Sinabi kahapon, Huwebes, ika-5 ng Abril 2018, ni Pangulong Donald Trump ng Amerika, na ini-utos na niya sa kinatawang pangkalakalan ng bansa, na isaalang-alang ang pagpataw ng karagdagang taripa, sa ilalim ng "Section 301 Investigation," sa mga aangkating produktong Tsino na nagkakahalaga ng 100 bilyong Dolyares. Nauna rito, inilabas na ng Amerika ang isang listahan ng halos 50 bilyong Dolyares na produktong Tsino, na papatawan ng karagdagang taripa, batay sa nabanggit na imbestigasyon. Ang kasalukuyang bagong aksyon ni Trump ay nagpalala ng alitang pangkalakalan ng Tsina at Amerika, at nagtulak ng dalawang bansa sa bingit ng "trade war."

Kaugnay nito, sinabi sa isang artikulo, ni Jiang Yuechun, Puno ng Department for World Economy and Development ng China Institute of International Studies, na sa panahon ng globalisasyong pangkabuhayan, ang anumang porma ng "trade war" ay labag sa prinsipyo ng malayang kalakalan at mga tuntunin ng kabuhayang pandaigdig.

Tinukoy din ni Jiang, na nagtatangka ang Amerika, na sa pamamagitan ng paglulunsad ng "trade war," hadlangan ang estratehiyang "Made in China 2025" ng Tsina hinggil sa pagpapaunlad ng industriya ng hay-tek ng bansa. Pero aniya, ang Tsina ay hindi bansang umaasa lamang sa pagluluwas, at lumalaki nang lumalaki ang pangangailangang panloob ng bansa. Hindi mahihinto ang pagbabagong-anyo at pag-a-upgrade ng industriya ng Tsina, dahil sa trade war ng Amerika, at hindi rin itatakwil ng Tsina ang estratehiyang "Made in China 2025."

Bilang panapos, sinabi ni Jiang, na may kompiyansa at kakayahan ang Tsina, na harapin ang alitang pangkalakalan sa Amerika. Hindi aniya natatakot ang Tsina sa banta ng Amerika sa isyu ng kalakalan.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>