Sa kanyang talumpati sa seremonya ng pagbubukas ng 2018 Taunang Pulong ng Boao Forum for Asia (BFA), na idinaraos ngayong umaga, Martes, ika-10 ng Abril 2018, sa lalawigang Hainan sa timog Tsina, sinabi ni Pangulong Xi Jinping ng Tsina, na ang reporma at pagbubukas sa labas na isinasagawa ng Tsina nitong 40 taong nakalipas ay malaking nagpapasulong sa produktibong lakas ng bansa, at sa kasalukuyan, ang Tsina ay ikalawang pinakamalaking ekonomiya, pinakamalaking bansang industriyal, bansang may pinakamalaking bolyum ng kalakalan ng paninda, at bansang may pinakamalaking bolyum ng foreign reserve.
Dagdag niya, nitong 40 taong nakalipas, umabot sa 9.5% ang taunang paglaki ng GDP ng Tsina, at 14.5% naman ang taunang paglaki ng kalakalang panlabas. Samantala, batay sa kasalukuyang pamantayan ng United Nations, nabawasan ng Tsina ang mahigit 700 milyong mahirap na populasyon, at ito ay katumbas sa 70% ng kabuuang bolyum ng nabawasang kahirapan sa buong daigdig.
