Sa kanyang talumpati sa seremonya ng pagbubukas ng 2018 Taunang Pulong ng Boao Forum for Asia (BFA), na idinaraos ngayong umaga, Martes, ika-10 ng Abril 2018, sa lalawigang Hainan sa timog Tsina, sinabi ni Pangulong Xi Jinping ng Tsina, na ang landas ng sosyalismong may katangiang Tsino ay pinili ng bansa, batay sa kalagayan ng kapwa Tsina at daigdig.
Sa landas na ito aniya, umaasa ang Tsina sa sarili, at nagsasagawa rin ng kooperasyong panlabas; iginigiit ang sosyalismo, habang isinasagawa ang market economy; at itinatakda ang mga pangkalahatang plano, sa pamamagitan ng mga pagsubok.
Binigyang-diin ni Xi, na ang matagumpay na karanasan ng Tsina ay nagpapakitang hindi lamang iisa ang landas tungo sa modernisasyon; at kung ituturo ang tamang direksyon, at gagawin ang walang humpay na pagsisikap, tiyak tayong magtatagumpay.