Sa kanyang talumpati sa seremonya ng pagbubukas ng 2018 Taunang Pulong ng Boao Forum for Asia (BFA), na idinaraos ngayong umaga, Martes, ika-10 ng Abril 2018, sa lalawigang Hainan sa timog Tsina, sinabi ni Pangulong Xi Jinping ng Tsina, na dapat igiit ng iba't ibang bansa ang paggalang at pantay-pantay na pakikitungo sa isa't isa, itakwil ang zero-sum mentality at hegemonismo, maayos na kontrolin ang mga pagkakaiba sa pamamagitan ng diyalogo, at magkakasamang isabalikat ang mga responsibilidad.
Nanawagan din si Xi sa iba't ibang bansa, na ipagtanggol ang pandaigdig na kaayusan at sistema, na ang nukleo ay Karta ng United Nations; itaguyod ang bukas na kabuhayang pandaigdig, pangalagaan ang malayang kalakalan at pamumuhunan, at pasulungin ang pagpapalitan ng iba't ibang sibilisasyon.
Ang mga ito aniya ay para itatag ang mapayapa, tahimik, masagana, bukas, at magandang Asya at daigdig.