Sa kanyang talumpati sa seremonya ng pagbubukas ng 2018 Taunang Pulong ng Boao Forum for Asia (BFA), na idinaraos ngayong umaga, Martes, ika-10 ng Abril 2018, sa lalawigang Hainan sa timog Tsina, sinabi ni Pangulong Xi Jinping ng Tsina, na ang kapayapaan at kaunlaran ay komong hangarin ng mga mamamayan ng iba't ibang bansa sa daigdig. Aniya, pahigpit nang pahigpit ang pag-uugnayan ng pag-unlad ng kabuhayan at lipunan ng iba't ibang bansa, at nakakaapekto ito sa isa't isa, kaya ang pagpapasulong sa konektibidad at pagpapabilis ng magkakasamang pag-unlad ay naging di-maiiwasang pagpili para sa pagpapasulong sa komong kasaganaan at kaunlaran. Binigyang-diin din niyang ang reporma at inobasyon ay saligang lakas-panulak ng pag-unlad ng lipunan ng sangkatauhan.
Salin: Vera