Hinggil sa CRIHinggil sa Serbisyo Filipino
   

Amerika, Briatnya at Pransya, naglunsad ng militar na pag-atake sa Syria

(GMT+08:00) 2018-04-15 14:56:19       CRI

Kahapon madaling araw, Abril 14 (local time), 2018, magkakasanib na inilunsad ng Amerika, Britanya, at Pransya ang air raid laban sa maraming target sa pamahalaan at panig militar ng Syria. Hanggang sa kasalukuyan, hindi pa tiyak ang kalagayan ng human casualty at kapinsalaan sa mga instalasyon. Mahigpit na sinusubaybayan ng komunidad ng daigdig ang pangyayaring ito. Sinusuportahan ng ilang bansa ang pagsasagawa ng atakeng militar ng tatlong bansa sa Syria, ngunit hinihimok naman ng United Nations (UN) at nakakaraming bansa ang mga kaukulang panig na magtimpi at hanapin ang kalutasang pulitikal sa paglutas sa isyu ng Syria.

Ipinahayag ni US President Donald Trump ang kahandaan ng Amerika na magsagawa ng tuluy-tuloy na atake hanggang itigil ng pamahalaan ng Syria ang paggamit ng mga sandatang kemikal.

Ayon sa isang pahayag na inilabas nitong Sabado ng Ministring Panlabas ng Syria, mahigpit nitong kinokondena ang paglulunsad ng air raid ng nasabing tatlong bansa sa Syria. Anito, ang nasabing atake ay muling nagpapakita ng pagwawalang-bahala ng tatlong bansa sa pandaigdigang batas. Anito pa, pasisidhiin ng atake ang maigting na situwasyong pandaigdig. Samantala, hinimok din ng Syria ang komunidad ng daigdig na kondenahin ang nasabing atake ng tatlong bansa.

Sa isang pahayag, sinabi naman nitong Biyernes ng gabi, Abril 13, ni Pangkalahatang Kalihim António Guterres ng UN na mahigpit niyang sinusubaybayan ang magkakasanib na aksyong militar ng tatlong bansa. Hinimok din niya ang mga kasapi ng UN Security Council na magkaisa at tupdin ang kanilang responsibilidad sa pangangalaga sa kapayapaan at kaligtasang pandaigdig.

Ayon sa isang tagapagsalita ng Ministring Panlabas ng Tsina, hinihimok ng panig Tsino ang mga may kinalamang panig na bumalik sa balangkas ng pandaigdigang batas upang malutas ang isyu sa pamamagitan ng diyalogo at pagsasanggunian.

Salin: Li Feng

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>