Hinggil sa CRIHinggil sa Serbisyo Filipino
   

Hilangang Korea, ibayo pang pahihigpitin ang pagkakaibigan sa Tsina

(GMT+08:00) 2018-04-16 10:27:30       CRI

Pyongyang, Hilagang Korea—Ipinangako ni Kim Jong Un, Kataaas-taasang Lider ng Hilagang Korea (DPRK), na isusulat, kasama ng Tsina ang bagong kabanata ng pagkakaibigan ng dalawang bansa.

Ito ang ipinahayag ni Kim sa kanyang pakikipagtagpo Sabado, Abril 14, 2018, kay Song Tao, Puno ng Departamento ng Ugnayang Panlabas ng Komite Sentral ng Partido Komunista ng Tsina (CPC). Si Song ay namuno rin sa delegasyon ng mga alagad ng sining ng Tsina na lumahok sa "Spring of April" International Friendship Art Festival na ginanap sa Pyongyang.

Ipinahayag din ni Kim, na sa kanyang makasaysayang pagdalaw sa Tsina kamakailan, isinagawa nila ni Pangulong Xi Jinping ng Tsina ang makabuluhan at mabungang pag-uusap. Ipinagdiinan din niyang sa mahalagang panahon kung saan naiangat sa bagong yugto ang ugnayang pangkaibigan ng Tsina at Hilagang Korea, ang pagdalaw ng nasabing delegasyong Tsino ay ibayo pang magpapatibay sa pundasyon ng pagkakaibigan ng mga mamamayan ng dalawang bansa.

Sina Ri Sol Ju (kanan), asawa ni Kim Jong Un, Kataas-taasang Lider ng Hilagang Korea at Song Tao (kaliwa), dumadalaw na Puno ng Departamento ng Ugnayang Panlabas ng Komite Sentral ng Partido Komunista ng Tsina (CPC) habang pumapalakpak sa ballet performance ng mga alagad ng sining ng Tsina, sa Pyongyang, DPRK, Abril 14, 2018. (Xinhua/Yao Dawei)

Ang mga alagad ng sining habang nagtatanghal ng ballet sa Pyongyang, DPRK, Abril 14, 2018. (Xinhua/Yao Dawei)

Salin: Jade
Pulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>