Inilabas ngayong araw, Biyernes, ika-20 ng Abril 2018, ng ZTE Corp., kilalang telecom equipment maker ng Tsina, ang pahayag na nagsasabing labis na di makatarungan ang desisyon ng Kagawaran ng Komersyo ng Amerika hinggil sa pagkakabisa ng pagtanggi sa pribilehiyo ng pagluluwas laban sa ZTE.
Anang pahayag, ang naturang desisyon ay magiging matinding dagok sa ZTE Corp., at makakapinsala rin sa interes ng lahat ng mga katuwang nitong kinabibilangan ng mga kompanyang Amerikano.
Ipinahayag din ng ZTE, na hindi nito itatakwil ang pagsisikap para lutasin ang isyung ito sa pamamagitan ng diyalogo, at determinado itong ipagtanggol ang sariling mga lehitimong karapatan at kapakanan, sa pamamagitan ng lahat ng mga legal na paraan.
Salin: Liu Kai