|
||||||||
|
||
Ipinahayag kamakailan ni Tadamichi Yamamoto, namamahalang tauhan ng United Nations (UN) Assistance Mission in Afghanistan, na nitong ilang taong nakalipas, nakakapagbigay ang Tsina ng positibong ambag para sa katatagan at kaunlaran ng rehiyon. Aniya, may malawak na prospek ang kooperasyon ng UN at Tsina sa Afghanistan.
Sinabi niya na ang pagtataguyod ng magkakasamang pagtatatag ng "Belt and Road" at Economic Corridor ng Tsina at Pakistan, ay angkop sa komong mithiin ng mga bansa sa rehiyong ito. Ito aniya ay nakakalikha ng mahalagang pagkakataon para sa pagpapalagayang pangkabuhayan at pangkalakalan ng Afghanistan at rehiyong ito.
Ipinahayag pa niya ang kahandaan ng UN na magsikap kasama ng Tsina upang makapagbigay ng mas maraming ambag para sa katatagan at kasaganaan ng Afghanistan at rehiyon sa hinaharap.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |