Ipinahayag Mayo 7, 2018 sa Beijing ni Geng Shuang, Tagapagsalita ng Ministring Panlabas ng Tsina, na malawakang tinatanggap ng komunidad ng daigdig ang prinsipyong "Isang Tsina."
Sinabi ni Geng na mula noong 2009 hanggang 2016, sa ngalan ng "Chinese Taipei," dumalo ang Taiwan sa asemblea ng World Health Organization (WHO) bilang tagamasid. Aniya, ito ay isang espesyal na kasunduang ginawa ng magkabilang pampang ng Taiwan Straits, alinsunod sa "1992 Komong Palagay" na nagpapakita ng prinsipyong "Isang Tsina."
Ani Geng, sa kasalukuyan, hindi kinikilala ng Democratic Republic Party (DPP) ang prinsipyong "Isang Tsina," at sinira nito ang pundasyong pampulitika sa kagustuhan nitong sumali sa asemblea ng WHO. Dagdag pa niya, responsibilidad ng DPP kung hindi maiimbitahan ang Taiwan sa nasabing asemblea sa taong ito.