Hinggil sa CRIHinggil sa Serbisyo Filipino
   

Pangulo ng Tsina at Amerika, nag-usap

(GMT+08:00) 2018-05-09 08:35:36       CRI

Nag-usap Mayo 8, 2018 sa telepono sina Pangulong Xi Jinping ng Tsina at Pangulong Donald Trump ng Amerika.

Tinukoy ni Pangulong Xi na nasa masusing yugto ang relasyong Sino-Amerikano. Umaasa aniya siyang tutupdin ng Tsina at Amerika ang mga narating na kasunduan sa Beijing para pasulungin ang malusog at matatag na pagtutulungan ng dalawang bansa. Aniya, bilang pundasyon at lakas na pangkaunlaran ng relasyong Sino-Amerikano, noong isang linggo, idinaos sa Beijing ang negosasyong pangkabuhayan at pangkalakalan ng dalawang panig. Umaasa aniya siyang pahihigpitin ng dalawang panig ang pagpapalitan para maayos na lutasin ang mga may-kinalamang isyu, upang maisakatuparan ang win-win situation. Ipinahayag naman ni Pangulong Trump ang pagpapahalaga sa relasyong Sino-Amerikano. Umaasa aniya siyang ipagpapatuloy ang mahigpit na pakikipagpalitan sa Pangulong Tsino. Nakahanda aniya ang Amerika na magsikap, kasama ng Tsina para pahigpitin ang pragmatikong pagtutulungan sa ibat-ibang larangan at maayos na lutasin ang mga isyung pangkabuhayan at pangkalakalan, upang ibayong pasulungin ang relasyong Sino-Amerikano at bigyan ng ginhawa ang mga mamamayan ng dalawang bansa.

Nang mabanggit ang isyu sa Peninsula ng Korea, inulit ni Pangulong Xi ang paninindigan ng Tsina, at pagsuporta sa nakatakdang diyalogo ng mga lider ng Amerika at Hilagang Korea. Nakahanda aniya ang Tsina na gumanap ng positibong papel sa pagsasakatuparan ng denuclearization at pangmatagalang kapayapaan at katatagan sa Peninsula ng Korea. Ipinahayag naman ni Pangulong Trump ang pagpapahalaga sa paninindigan at konstruktibong papel ng Tsina sa isyu ng peninsula. Nakahanda aniya ang Amerika na pahigpitin ang pakikipagpalitan sa Tsina para pasulungin ang maayos na paglutas sa nasabing isyu, sa pamamagitan ng negosasyon.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>