Hinggil sa CRIHinggil sa Serbisyo Filipino
   

Pandaigdig na Komperensya sa Alaala sa Lindol sa Wenchuan, idinaos; kakayahan sa pagpigil ng kalamidad, ipinagdiinan ng pangulong Tsino

(GMT+08:00) 2018-05-13 15:50:14       CRI
Noong Mayo 12, 2008, niyanig ng super lindol na may lakas na 8 sa Richter Scale ang Wenchuan, county sa lalawigang Sichuan, sa dakong timog-kanluran ng Tsina.

Bilang paggunita sa sakuna, idinaos Sabado, Mayo 12, 2018 ang Pandaigdig na Komperensya sa Dekadang Alaala sa Lindol sa Wenchuan at Ika-4 na Pandaigdig na Komperensya sa Kontinental na Lindol, sa Chengdu, kabisera ng Sichuan.

Sa kanyang liham sa nasabing pulong, ipinagdiinan ni Pangulong Xi Jinping ng Tsina na komprehensibong palalakasin ng bansa ang kakayahan sa pagpigil sa kalamidad para matiyak ang katiwasayan ng mga mamamayan.

Sinabi ni Xi na sa pamumuno ng Partido Komunista ng Tsina (CPC), masasabing natamo ang kahanga-hangang progreso sa rekonstruksyon ng mga lugar na niyanig ng lindol. Nagsisilbi aniya ang mga ito bilang karanasan para sa komunidad ng daigdig.

Gayunpaman, ipinagdiinan din ni Xi na walang hanggan ang pag-unawa ng sangkatauhan hinggil sa mga batas ng kalikasan. Ang siyentipikong pag-alam hinggil sa mga batas ng mga sakuna, epektibong pagbawas ng panganib na dulot ng kalamidad, at pagkakaroon ng may-harmonyang eksistensya sa pagitan ng mga tao at kalikasan aynangangailangan ng magkakasamang pagpupunyagi ng komunidad ng daigdig, aniya pa.

Ang super lindol sa Wenchun ay ikinasawi ng halos 70,000 katao, ikinasugat ng 374,000, at ikinawala ng 18,000 iba pa. Milyun-milyong mamamayang Tsino ang nawalan ng tahanan.

Salin: Jade
Pulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>