Idinaos sa Washington D.C ang negosasyong pangkalakalan ng Tsina at Amerika mula ika-17 hanggang ika-18 ng buwang ito.
Pinamunuan ni Liu He, Sugo ni Pangulong Xi Jinping ng Tsina at Pangalawang Premyer ng bansa ang delegasyong Tsino.
Lubusang pinahahalagahan ng media ng Amerika na kinabibilangan ng Cable News Network(CNN), New York Times, at iba pa ang naturang negosasyon.
Ayon sa CNN, narating, sa kabuuan ng dalawang panig ang kasunduang pangkalakalan. Ayon naman sa New York Times, nakahanda ang dalawang panig na magkasamang magsikap para mabawasan ang alitang pangkalakalan. Ipagpapatuloy anito ng dalawang panig ang negosasyon hinggil sa mga kongkretong isyu.