|
||||||||
|
||
Main war zone ng Marawi na nasa military blockade pa rin
Iligan City – Binabalak ng pamahalaang Pilipino na itayo ang 3400 pansamantalang pabahay sa taong 2018 para sa mga apektadong pamilya ng sagupaan sa Marawi. Sa bilang na nabanggit, 1500 units ang natapos nang itayo. Ipinahayag ito ni Felix Castro Jr, Assistant Sectary of Housing and Urban Development Coordinating Council ng Pilipinas, nitong Lunes, Mayo 21, 2018 sa Marawi City.
Col. Romeo Brawner, Deputy Commander ng Joint Task Force Ranao
Ayon sa ulat ng local media ng Mindanao, nang matapos ang sagupaan sa Marawi noong Oktubre ng taong 2017, mahigit 11,000 pamilya na mula sa sentro ng sagupaan ang nananatiling walang tirahan dahil patuloy na pinaiiral ang blokeyo ng militar sa nasabing lugar.
Sinabi ni ASec. Castro na hanggang sa katapusan ng 2017, itinayo ng pamahalaan ang 6400 temporary shelters para sa mga displaced families, mahigit 1000 pamilya ang naninirahan sa tents at ang natitirang mga pamilya ay nakikitira kasama ng kanilang kamag-anak o kaibigan sa mga lugar na malapit sa Marawi na gaya ng Iligan at Cagayan de Oro.
Mga residente ng Marawi na nawalan ng bahay habang tinatanggap ang serbisyong medikal
Ipinagkaloob din ng pamahalaan ang mga pagkain at tubig para sa mga displaced families. Sinabi ni Castro na upang maigarantiya ang kaligtasan ng tubig-inumin, isinasagawa ng pamahalaan ang pagsuri sa mga site ng tubig bawat araw.
Bukod dito, isinagawa rin ng pamahalaan ang medikal na pagsuri sa mga taong naninirahan sa tents at temporary shelters. Sinabi ni Castro na tinatalakay ng mga Congressmen ang isang panukala na naglalayong magkaloob ng compensation package para sa mga apektadong residente ng Marawi.
Mga toldang-panirahan ng mga refugee
Sa kasalukuyan, kinakaharap ng mga apektadong mamamayan ang kahirapan ng pamumuhay dahil sa kawalan ng trabaho. Kaugnay ng dahilan ng blokeyo ng sentro ng sagupaan, sinabi ni Col. Romeo Brawner, Deputy Commander of Joint Task Force Ranao, na sa kasalukuyan, nananatili pa rin ang mga nakatagong panganib sa nasabing lugar na gaya ng mga bomba at banta ng mga epidemya at sakit.
Ulat / Larawan: Ernest
Pulido: Mac
Web-edit: Lele/Jade
© China Radio International.CRI. All Rights Reserved. 16A Shijingshan Road, Beijing, China. 100040 |