Hinggil sa CRIHinggil sa Serbisyo Filipino
   

Sister Patricia Ann Fox, dumulog sa Department of Justice

(GMT+08:00) 2018-05-25 17:40:01       CRI

HINILING ni Sr. Patricia Ann Fox, 71 taong-gulang na misyonera sa Department of Justice na ibalik ang kanyang missionary visa. Nagtungo si Sr. Pat sa Department of Justice kaninang ikalawa ng hapon, ang huling araw ng isang buwang palugit na iginawad ng Bureau of Immigration upang lumisan ng bansa.

Sinabi ni Atty. Katherine Panguban na sa pamamagitan ng apelang ito, napigil ang pagpapatupad ng kautusan ng Bureau of Immigration.

Magugunitang ipinasiyasat ni Pangulong Rodrigo Duterter ang sinasabing "disorderly conduct" ni Sr. Pat. Nagsumite sina Sr. Pat ng 24 na pahinang petition for review matapos kanselahin ng Bureau of Immigration ang kanyang dokumento sa deka-dekadang paglilingkod sa mga adhikain ng mahihirap.

Wala umanong sandigang legal ang pagpapawalang-saysay sa missionary visa ni Sr. Pat na lumalabag pa sa due process, Kalayaan ng pagpapahayag at pagkakaroon ng payapang pagtitipon na garantisado ng Saligang Batas para sa madla, kahit ano pa ang bansang pinagmulan ng nasa Pilipinas.

Tanging haka-haka lamang ang naging basehan ng desisyon pawalang-saysay ang dokumento ng pananatili sa bansa ni Sr. Pat. Wala umano sa mga dahilang nasasaad sa batas ang pagpapawalang saysay ng visa ng madre, dagdag pa ng petisyon.

Mapapawalang-saysay lamang ang visa ng sinuman kung wala nang legal at factual basis para sa pagtataglay nito at kung ang akusado ay nagtamo ng visa sa pamamalsipika at misrepresentation.

Ang ebidensya laban sa madre ay ang paghahawak ng placard na nagtataglay ng panawagang palayain ang lahat ng political detainees sa bansa at hindi naman ipinagbabawal sa batas. Pakikiisa lamang ito bilang isang misyonera sa kahilingan ng mga mamamayang matugunan ang kanilang hinaing.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>