Miyerkules, Mayo 30, 2018, ipinahayag ni Punong Ministro Mahathir Bin Mohamad ng Malaysia na ititigil ang paghahanap sa nawawalang flight MH370, pero kung lilitaw aniya ang bagong impormasyon, isasaalang-alang ang muling pagsisimula ng paghahanap.
Winika ito ni Mahathir pagkatapos ng pulong ng gabinete nang araw ring iyon. Aniya, noong nagdaang ilang buwan, walang natuklasang bunga ang paghahanap, at imposibleng ipagpatuloy ito nang walang hanggan.
Martes, Mayo 29, pormal na itinigil ng Ocean Infinity, kompanya ng seabed exploration, ang paghahanap sa ilalim ng dagat. Ayon sa pahayag ng nasabing kompanya, natapos nito na ang paghahanap at pangongolekta ng imahe sa 112,000 kilometro kuwadradong seabed.
Salin: Vera