Hinggil sa CRIHinggil sa Serbisyo Filipino
   

Electric bus ng Tsina, pumasok na sa pamilihang Pilipino

(GMT+08:00) 2018-05-31 13:57:03       CRI

Manila --- Inihatid Miyerkules, Mayo 30, 2019 ng BYD Auto Industry Company Limited ng Tsina ang dalawang electric bus na "K9"sa Columbian Motors Corp (CMC) ng Pilipinas. Ito ang unang pangkat sa 10 electric bus na binili ng CMC mula sa BYD.

Lauching Ceremony ng Multi-Layered Electrified Transportation Solution 

Ipinahayag ni Arsenio G. Yap, Presidente ng CMC, na matatanggap ng CMC ang lahat ng 10 electric bus, hanggang sa darating na Hunyo, at gagamitin ang mga ito sa pampublikong transportasyon sa Metro Manila upang mabawasan ang emisyon na ibinubuga ng mga sasakyan.

Si Liu Xueliang, General Manager ng Asia-Pacific Auto Sales Division ng BYD

Ipinahayag ni Liu Xueliang, General Manager ng Asia-Pacific Auto Sales Division ng BYD, na moderno ang teknolohiya ng nasabing mga electric bus at walang anumang emisyon ang mga ito habang tatakbo sa kalye.

 Unang pangkat sa 10 electric bus na binili ng CMC mula sa BYD

Sinabi pa ni Liu na tinatalakay ng BYD, kasama ng mga partner sa Pilipinas, ang hinggil sa pagpoprodyus ng electric Jeepney para pumalit sa kasalukuyang matatanda at tumatakbong Jeepney sa Manila. Ito aniya ay upang mapawi ang polusyon sa lunsod.

Kaugnay nito, sinabi ni Guillermo L. Francisco II, isang opisyal mula sa Department of Transportation ng Pilipinas, na matatanda ang kasalukuyang mga tumatakbong Jeepnay at madaling magbuga ng sobrang daming usok ang mga ito, kaya isinasaalang-alang ng Pamahalaang Sentral na gamitin ang mga sasakyan ng bagong enerhiya, na gaya ng electric bus, para pumalit sa mga Jeepney.

Seremonya ng paglagda ng MoU ng BYD at pamahalaan ng Bataan

Bukod sa Manila, ang mga electric bus ng BYD ay papasok din sa Bataan. Ayon sa Memorandum of Understanding (MOU) na nilagdaan nang araw ring iyon ng BYD at pamahalaan ng Bataan, bago katapusan ng taong ito, ipagkakaloob ng BYD ang 10 electric bus sa probinsya.

Si Governor Albert S. Garcia ng Bataan

Sinabi ni Governor Albert S. Garcia ng Bataan na maganda ang teknolohiya at disenyo ng mga electric bus ng BYD, kaya gagamitin ng Bataan ang nasabing 10 bus para sa transportasyong pampubliko sa pagitan ng mga lunsod ng Bataan at sa pagitan ng Bataan at ibang mga probinsya ng bansa.

Samantala, magkakasamang itatayo ng dalawang panig ang isang Monorail Transit System sa Bataan. Sinabi rin ni Garcia na nitong ilang taong nakalipas, mabilis ang pag-unlad ng Bataan, kaya lumalaki ang presyur sa trapiko sa mga lunsod ng Bataan, kaya ang Monorail Transit System ng BYD ay makakatugon sa pangangailangan ng transportasyon sa naturang mga lunsod.

Ayon pa sa nasabing MOU, ang haba ng unang yugto ng Monorail Transit System ay aabot sa 7 kilometro. Nauna rito, nilagdaan noong 2017 ng BYD at Iloilo City ang katulad na MOU para itayo ang unang Monorail Transit System sa lunsod na ito.

Ulat / Larawan: Ernest

Pulido: Rhio

Web Editor: Vera

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>