Isiniwalat kahapon, Lunes, ika-4 ng Hunyo 2018, ni Tagapagsalita Sarah Sanders ng White House, na idaraos ang pagtatagpo ng mga lider ng Amerika at Hilagang Korea, alas-9 ng umaga, ika-12 ng buwang ito, local time, sa Singapore.
Pero, dagdag niya, mayroon ding posibilidad na ayusin ang iskedyul na ito.
Ayon pa rin kay Sanders, sa kasalukuyan, isinasagawa ng isang delegasyong Amerikano at panig H.Koreano ang diplomatikong pagsasanggunian sa Demilitarized Zone sa pagitan ng Hilaga at Timog Korea. Positibo aniya ang kanilang pag-uusap, at natamo na ang progreso.
Dagdag ni Sanders, isa namang advanced team ng Amerika ang nandoon ngayon sa Singapore, at ginagawa nila, kasama ng panig H.Koreano, ang paghahanda para sa nabanggit na pagtatagpo.
Salin: Liu Kai