Grand Kremlin Palace, Moscow—Bago ang kanyang pagdalo sa gaganaping Summit ng Shanghai Cooperation Organization (SCO) sa Qingdao, Lalawigang Shandong ng Tsina, at pagsasagawa ng dalaw-pang-estado sa Tsina, kinapanayam noong Mayo 31, 2018, ni Shen Haixiong, Presidente ng China Media Group (CMG) si Pangulong Vladimir Putin ng Rusya.
Sa nasabing 40 minutong panayam, ikinuwento ni Putin ang impresyon niya kay Pangulong Xi Jinping ng Tsina, ipinaliwanag ang pagkakapareho at pagkakaiba ng "Russian Dream" at "Chinese Dream," at binigyang-pansin ang relasyong Ruso-Sino at prospek ng pinalawak na SCO. Nagpahayag din siya ng kuru-kuro tungkol sa konstruksyon ng Belt and Road, mga mainit na isyung pandaigdig na gaya ng isyu ng Korean Peninsula, relasyon ng Rusya at mga bansang kaluranin, at iba pa.
Ito ang kauna-unahang pagkakataong tumanggap si Putin ng panayam ng foreign media sa panahon ng kanyang bagong termino bilang pangulo ng bansa.
Salin: Vera