Ipinahayag kamalakawa sa Beijing ni Djauhari Oratmangun, Embahador ng Indonesya sa Tsina, na bilang kapuwa umuunlad na bansa sa daigdig, umaasang gaganap ng mahalagang papel ang Tsina at Indonesya para pangalagaan ang kaayusan ng rehiyon at daigdig, at magbibigay-ginhawa sa mga mamamayan ng dalawang bansa.
Winika ito ni Embahador Djauhari nang bumisita siya kamakailan sa China Media Group.
Sinabi niyang nitong ilang taong nakalipas, humihigpit ang estratehikong partnership ng Tsina at Indonesya sa ibat-ibang larangan, lalo na sa kabuhayan at kalakalan. Sa kanyang termino, umaasa siyang patuloy na susulong ang pagtutulungan ng dalawang panig sa ibat-ibang larangan, lalo na sa kultura, pagpapalitan ng mga tauhan, turismo, at edukasyon, dagdag pa niya.