Noong gabi ng ika-10 ng Hunyo, 2018, ipinahayag ni Angela Merkel, Chancellor ng Alemanya na "sobering" at "disheartening" ang kanyang pakiramdam tungkol sa naging desisyon ni Donald Trump, Pangulo ng Amerika sa G7 Summit. Aniya, dapat hindi madaling umasa ang Europa sa Transatlant Partnership, dapat pahigpitin nila ang unipikasyon at pagkakaroon ng kooperasyon sa iba pang panig na gaya ng Tsina.
Ipinahayag ito ni Merkel nang kapanayamin siya ng ARD ng Alemanya. Tinukoy niya, hindi lubusang mababalewala ang framework ng G7, pero, dapat humanap ang Alemanya ng pagkakataon para sa pagkikipagdiyalogo sa Rusya, at pahigpitin ang pagkikipagtutulungan sa Tsina, Hapon, Kanada at Indya.
Ipininid kamakailan sa Canada ang G7 Summit. Nagkakaiba ang palagay ng mga kasaping bansang kinabibilangan ng Amerika, Kanada, Alemanya, Pransya, at iba pa hinggil sa mga isyung may-kinalaman sa taripa, pagbabago ng klima, at iba pa. Samantala, ipinalabas ng summit ang isang magkasanib na kumunike, pero, tinanggihan ito ng Amerika.
salin: Lele