Hinggil sa CRIHinggil sa Serbisyo Filipino
   

Magkasamang pangangalaga sa multilateralismo at malayang kalakalan ng Tsina't T. Korea, panawagan ng premyer Tsino

(GMT+08:00) 2018-06-30 18:41:12       CRI

Nanawagan si Premyer Li Keqiang ng Tsina na magkasamang pangalagaan ng kanyang bansa at Timog Korea (ROK) ang multilateralismo at malayang kalakalan, bilang tugon sa tunguhin ng muling paglitaw ng proteksyonismo.

Ito ang ipinahayag ni Premyer Li sa kanyang pakikipagtagpo sa mga kalahok na Timog Koreano sa Unang Round ng Diyalogo ng mga Mangangalakal at Dating Matataas na Opisyal ng dalawang bansa. Kabilang sa mga kalahok na Timog Koreano ay si Chung Sye-kyun, dating Ispiker ng Pambansang Asemblea ng Timog Korea, at mga kinatawan mula sa mga kilalang bahay-kalakal na gaya ng SK, Samsung, at Hyundai.

Hinikayat din ng premyer Tsino ang mga mangangalakal na Timog Koreano na samantalahin ang pagkakataon ng ibayo pang pagbubukas sa labas ng Tsina, at mamuhunan sa Tsina, lalo na sa dakong gitna at kanluran ng bansa, para maisakatuparan ang win-win situation.

Ipinahayag naman ng mga kinatawang Timog Koreano na mabunga ang katatapos na nasabing unang round ng diyalogo ng dalawang bansa. Ipinahayag din nila ang paghanga sa estratehiyang pangkaunlaran ng Tsina kung saan ang inobasyon ay siyang lakas na tagapagpatulak. Nakahanda anila silang palalimin ang kooperasyong pang-inobasyon sa Tsina, at magkasamang galugarin ang ikatlong pamilihan para mapasulong ang kasaganaang panrehiyon at makapag-ambag sa malayang kalakalan sa daigdig.

Salin: Jade
Pulido: Mac

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>