Ayon sa ulat ng panig opisyal ng Lalawigang Phuket, Thailand, hanggang ngayong araw, Miyerkules, ika-11 ng Hulyo 2018, 46 na katao ang kumpirmadong nasawi sa aksidente ng pagtaob at paglubog ng dalawang bapor panturista sa karagatan ng lalawigang ito, samantalang 1 ang nawawala pa rin.
Narekober na ang mga bangkay ng 45 nasawi, at ang nalalabing isang bangkay ay naiipit pa sa "Phoenix," isa sa mga lumubog na bapor.
Ayon pa sa panig opisyal ng Thailand, natapos na ang pagkilala sa identidad ng 43 bangkay, at sila ay kinumpirmang mga mamamayang Tsino. Ginagawa pa rin ang pagkilala sa identidad ng 2 pang bangkay.
Salin: Liu Kai