Hinggil sa CRIHinggil sa Serbisyo Filipino
   

"Market for technology," hindi dapat siraan

(GMT+08:00) 2018-07-13 17:44:14       CRI
Sa lumalalang alitang pangkalakalan ng Tsina at Amerika, ang isinasagawang patakarang "market for technology" ng Tsina ay naging isa sa mga pangunahing aspektong pinupuna ng Amerika, at sinisiraan ng Amerika ang patakarang ito. Pagdating sa isyung ito, may ilang bagay na dapat bigyang linaw ng panig Tsino.

Una, ang "market for technology" ay komong pagpili ng iba't ibang bansa para sa kooperasyong pangkabuhayan at panteknolohiya. Ang paggamit ng mga pondo, maunlad na teknolohiya, at karanasan sa pangangasiwa ng ibang bansa, para pabilisin ang sariling pag-unlad, ay komong paraan ng maraming bansa, lalung-lalo na mga di-maunlad na bansa, sa unang yugto ng kanilang pagbubukas ng pamilihan.

Sa kasaysayan, hinikayat minsan ng Amerika ang mga maunlad na teknolohiya ng Britanya at Alemanya, at pati mga talento ng ibang bansa. Isinagawa rin minsan ng Hapon at Timog Korea ang "market for technology," para sila ang maging maunlad sa industriya. Kaya, ang pagbatikos ng Amerika sa Tsina kaugnay ng "market for technology" ay pagpapakita ng "double standard."

Ikalawa, sa panahon ng pagsasagawa ng "market for technology," mahigpit na tumatalima ang Tsina sa mga pandaigdig na tuntunin, na kinabibilangan ng pangangalaga sa Intellectual Property Rights (IPR). Nitong maraming taong nakalipas, laging kinukumpleto at pinapabuti ng Tsina ang mga batas at regulasyon, para palakasin ang pangangalaga sa IPR, at itinuturing ang usaping ito bilang mahalagang gawain ng pagpapabuti ng kapaligirang komersyal ng bansa.

Sa proseso ng pagpapaunlad ng teknolohiya at industriya, maraming pakinabang ang Tsina sa kooperasyong pangkabuhayan at panteknolohiya nila ng Amerika, at iginagalang ito ng Tsina. Samantala, dahil sa pagsisikap ng Tsina sa pangangalaga sa IPR, marami ang kinikita naman ng mga kompanyang Amerikano, sa pamamagitan ng paglilipat ng mga teknolohiya sa pamilihan ng Tsina. Sa katotohanan, ito ay win-win para sa kapwa panig.

Ikatlo, hindi umasa lamang ang Tsina sa pagpasok ng maunlad na teknolohiya ng ibang bansa, at buong sikap din nitong pinasusulong ang sariling inobasyong pansiyensiya at panteknolohiya. Nitong mga taong nakalipas, sa pamamagitan ng mga patakaran at hakbanging pampasigla, natamo na ng Tsina ang bunga sa pagpapaunlad ng teknolohiya sa maraming aspekto, na gaya ng manupaktura, imprastruktura, information technology, kalawakan, at iba pa.

Pinahahalagahan pa rin ng Tsina ang pandaigdig na kooperasyong pansiyensiya at panteknolohiya, dahil makakabuti ito sa pagsulong ng buong sangkatauhan. Batay sa pagpapalakas pa ng pangangalaga sa IPR, nakahanda ang Tsina, kasama ng mga iba pang bansa, na isagawa ang kooperasyong pansiyensiya at panteknolohiya, sa pamamagitan ng iba't ibang paraan at porma.

Bilang panapos, sa pamamagitan ng mahigit 40 taong pagpapalitan at pagtutulungan, naitatag ng Tsina at Amerika ang relasyong pangkabuhayan at pangkalakalan, na may mutuwal na kapakinabangan at win-win situation. Dapat obdiyektibo at makatwirang hawakan ng dalawang bansa ang kasalukuyang alitang pangkalakalan. Ito ay dahil sa responsibilidad ng dalawang bansa sa kani-kanilang mga mamamayan, sa daigdig, at sa pagsulong ng buong sangkatauhan.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>