|
||||||||
|
||
Sa kanyang talumpati sa seremonya ng pagbubukas, sinabi ni Yang Jiechi, Puno ng Tanggapan ng Central Foreign Affairs Commission ng Tsina, na nakahanda ang kanyang bansa, kasama ng iba't ibang bansa ng daigdig, na isakatuparan ang pangmatagalang kapayapaan at panlahat na katiwasayan, itatag ang komunidad na may pinagbabahaginang kapalaran ng sangkatauhan, at ibayo pang pasulungin ang usaping pangkapayapaan ng daigdig.
Sinabi rin ni Yang, na ang Belt and Road Initiative na iniharap ng Tsina ay naglalayong palawakin ang pagbubukas sa labas ng Tsina, at pasulungin ang kooperasyong pandaigdig. Ito aniya ay mahalagang bahagi ng pagsisikap ng Tsina, para itatag ang komunidad na may pinagbabahaginang kapalaran ng sangkatauhan.
Ang World Peace Forum ay isang di-opisyal na pandaigdig na porum hinggil sa katiwasayan, sa ilalim ng pagtataguyod ng Tsina. Ang tema ng kasalukuyang porum ay "Constructing a Security Community: Equality, Equity and Justice."
Salin: Liu Kai
© China Radio International.CRI. All Rights Reserved. 16A Shijingshan Road, Beijing, China. 100040 |