Sa pulong ng National Governors Association ng Amerika, na ipininid kahapon, Sabado, ika-21 ng Hulyo 2018, ipinahayag ng ilang gobernador, na kinabibilangan nina John Hickenlooper, Gobernador ng Estado ng Colorado; Gary Herbert, Gobernador ng Estado ng Utah; at iba pa, na dapat pahalagahan ang mapagkaibigang relasyon ng Amerika at Tsina sa kabuhayan at kalakalan. Nanawagan sila para palakasin ang pag-uunawaan at pagtitiwalaan ng Amerika at Tsina, at pasulungin ang kooperasyon ng dalawang bansa sa kabuhayan, kalakalan, at pamumuhunan.
Ipinahayag din ng mga gobernador ang pagduda sa kasalukuyang mga hakbanging pangkalakalan ng administrasyon ni Donald Trump. Ipinalalagay nilang ang alitang pangkalakalan na sinimulan ng pamahalaan sa buong daigdig ay hindi lamang nakakaapekto sa pagluluwas ng mga produkto ng agrikultura at ibang industriyang may bentahe ng Amerika, kundi rin nagdudulot ng kawalang-katatagan sa pag-unlad ng maraming bahay-kalakal na Amerikano.