Hinggil sa CRIHinggil sa Serbisyo Filipino
   

Pagdaragdag ng taripa sa mga panindang Tsino, tinututulan sa loob ng Amerika

(GMT+08:00) 2018-08-08 16:59:08       CRI
Ipinatalastas kahapon, Martes, ika-7 ng Agosto 2017, ng Office of the United States Trade Representative, na mula ika-23 ng buwang ito, papatawan ng 25% karagdagang taripa ang halos 16 na bilyong Dolyares na panindang aangkatin mula sa Tsina. Ito ay tinututulan ng iba't ibang sektor ng Amerika.

Sinabi ni Myron Brilliant, Pangalawang Pangulo ng U.S. Chamber of Commerce na namamahala sa mga suliraning pandaigdig, na batay sa pangmalayuang pananaw, may negatibong epekto ang hakbangin ng pagpapataw ng taripa sa kabuhayang Amerikano. Ipinalalagay niyang, dapat bumalik ang Amerika at Tsina sa talastasan, para lutasin ang alitang pangkalakalan.

Sinabi naman ni John Neuffer, Puno ng Semiconductor Industry Association ng Amerika, na ang pagdaragdag ng taripa sa mga produkto ng semiconductor ng Tsina ay makakapinsala sa interes ng mga chip maker ng Amerika.

Sinabi naman ni Matthew Shay, CEO ng National Retail Federation ng Amerika, na ang pagdaragdag ng taripa ay magdudulot ng panganib sa mga mamimili at manggagawang Amerikano, at dapat itigil ng pamahalaan ni Donald Trump ang hakbanging ito.

Ipinahayag naman ng Consumer Technology Association ng Amerika, na ang pagbabanta ng Amerika sa Tsina sa aspekto ng taripa ay pipilit sa bansang ito na angkatin ang mga paninda mula sa ibang bansa, at ito ay di-paborable sa mga bahay-kalakal na Amerika.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>