|
||||||||
|
||
NABABAHALA ang pamahalaan sa kalagayan ng mga manggagawang Filipino na dinukot kamakailan sa Libya. Hindi pa mabatid kung anong grupo ang nasa likod ng pagdukot.
Naglalayon umanong tumulong ang mga binihag na mabigyan ng dalisay na tubig na maiinom ang bansang Libya.
Kabilang si Secretary Roy Cimatu, dahil sa kanyang kaalaman sa mga nagaganap sa Gitnang Silangan at marami ring mga kaibigan kaya't kabilang siya sa high-level team. Kasama rin si Secretary Cayetano, Labor Secretary Silvestre Bello, Armed Forces of the Philippines at iba pa.
Nahihirapan din ang Libya na malutas ang pagdukot tulad rin ng mga banyagang nadukot ng mga Abu Sayyaf sa mga nakalipas na panahon.
Wala pang ransom demand ang mga dumukot, dagdag pa ni Secretary Cayetano. Nakabantay ang mga diplomata ng Pilipinas sa Libya at anumang oras ay maaaring sunduin ni Labor Secretary Silvestre Bello III ang mga manggagawang Filipino na nasa Libya.
Umaasa si Secretary Cayetano na makauuwi rin ang mga binihag na manggagawa sa pinakamadaling panahon.
© China Radio International.CRI. All Rights Reserved. 16A Shijingshan Road, Beijing, China. 100040 |